ચૂંટણી વર્ષ 2024ની શરૂઆત થતાં જ એક બ્રિટિશ મીડિયાએ વડાપ્રધાન નરેન્દ્ર મોદીના સતત ત્રીજા કાર્યકાળની આગાહી કરી છે. યુકેના અગ્રણી દૈનિક અખબાર ધ ગાર્ડિયનમાં પ્રકાશિત થયેલા એક લેખમાં કહેવામાં આવ્યું છે કે પીએમ મોદી માટે કેન્દ્રમાં સતત ત્રીજી ટર્મ મેળવવી ‘લગભગ અનિવાર્ય’ છે (એટલે કે જે થવાનું છે, તેને ટાળી શકાય નહીં). કોલમમાં કહેવામાં આવ્યું છે કે વડાપ્રધાન નરેન્દ્ર મોદીની જબરદસ્ત લોકપ્રિયતા અને અયોધ્યામાં રામ મંદિરના ઉદ્ઘાટન જેવા ભાવનાત્મક મુદ્દાઓ સાથે ત્રણ રાજ્યોની વિધાનસભાની ચૂંટણીમાં જીતની હેટ્રિક, કેન્દ્રમાં ભાજપ માટે સતત ત્રીજી ટર્મ બનાવી છે. ‘લગભગ અનિવાર્ય’ બનાવી દીધું છે.
ત્રણ રાજ્યોની જીત…
ધ ગાર્ડિયનના દક્ષિણ એશિયાના સંવાદદાતા હેન્ના એલિસ-પીટરસનની કોલમમાં મધ્યપ્રદેશ, છત્તીસગઢ અને રાજસ્થાનમાં ભગવા પક્ષની જંગી જીતનો ઉલ્લેખ છે. આનાથી 2024માં યોજાનારી લોકસભા ચૂંટણીમાં ભાજપને વધુ તાકાત મળી છે. લેખમાં કહેવામાં આવ્યું છે કે ત્રણ રાજ્યોમાં જીત પછી, પીએમ મોદીએ પોતે આગાહી કરતા પાછી પાની કરી નહીં કે આ હેટ્રિકથી 2024માં જીતની ખાતરી છે.
એલિસ-પીટરસને લેખમાં કહ્યું કે ભારતની વર્તમાન રાજકીય પરિસ્થિતિએ રાજકીય વિશ્લેષકોમાં પણ એક સામાન્ય માન્યતા બનાવી દીધી છે કે મોદી અને ભાજપની જીત સંભવિત પરિણામ છે. લેખમાં કહેવામાં આવ્યું છે કે, ‘રાજકીય રીતે શક્તિશાળી વ્યક્તિ તરીકે વડાપ્રધાનની લોકપ્રિયતા અને ભાજપનો હિંદુ રાષ્ટ્રવાદી એજન્ડા દેશના વિશાળ હિંદુ બહુમતી લોકોને વધુને વધુ આકર્ષી રહ્યો છે. ખાસ કરીને ઉત્તરના હિન્દીભાષી પ્રદેશમાં.
કેટલાક ભાગોમાં વિરોધ મજબૂત છે પરંતુ…
લેખ મુજબ, ‘જ્યારથી મોદી 2014માં પીએમ બન્યા છે, ત્યારથી રાજ્ય અને રાષ્ટ્રીય સ્તરે દેશની મશીનરી બીજેપી તરફ નમેલી છે.’ વધુમાં કહેવામાં આવ્યું હતું કે દક્ષિણ અને પૂર્વ ભારતના કેટલાક ભાગોમાં ભાજપ વિરુદ્ધ વિરોધ મજબૂત છે પરંતુ રાષ્ટ્રીય સ્તરે તે વિભાજિત અને નબળો જોવા મળે છે. ગાર્ડિયનના અહેવાલમાં જણાવાયું છે કે મુખ્ય વિપક્ષી પાર્ટી કોંગ્રેસે તેલંગાણામાં ચૂંટણી જીતી છે અને એકંદરે તે હવે માત્ર ત્રણ રાજ્યોમાં સત્તામાં છે. પાર્ટી આંતરિક કલહથી ઝઝૂમી રહી છે.
સેન્ટર ફોર પોલિસી રિસર્ચના ફેલો નીલંજન કહે છે કે ભાજપ સામે લોકસભાની ચૂંટણી લડવા માટે તમામ મુખ્ય વિપક્ષી દળોએ I.N.D.I.A. નામથી ગઠબંધન કર્યું છે, પરંતુ મહત્વના મુદ્દાઓ પર હજુ સુધી એક થવાનું નથી. તેમણે કહ્યું કે સવાલ એ છે કે કયા પરિબળો વિજયના માપદંડને આકાર આપશે?
‘વિકસિત ભારત સંકલ્પ યાત્રા’માં સરકારી અધિકારીઓ
ચૂંટણી પહેલા બીજેપીની દેશવ્યાપી પહેલ ‘વિકાસ ભારત સંકલ્પ યાત્રા’નો ઉલ્લેખ કરતા લેખમાં કહેવામાં આવ્યું છે કે આગામી બે મહિના માટે દેશભરના નગરો અને ગામડાઓમાં ‘હજારો સરકારી અધિકારીઓ’ તૈનાત કરવામાં આવ્યા છે. ભાજપ સરકારની છેલ્લા 9 વર્ષની સિદ્ધિઓ અંગે પ્રચારની જવાબદારી સોંપવામાં આવી છે. સંરક્ષણ મંત્રાલય યુદ્ધ સ્મારકો, સંરક્ષણ સંગ્રહાલયો, રેલ્વે સ્ટેશનો અને અન્ય પ્રવાસન સ્થળો પર 822 ‘સેલ્ફી પોઈન્ટ’ પણ બનાવી રહ્યું છે, જ્યાં લોકો પીએમ મોદીના કટઆઉટ સાથે તેમના ફોટોગ્રાફ્સ લઈ શકે છે.
