ઉત્તર પ્રદેશના બદાયુમાં બનેલી ઘટના ખૂબ જ ચોંકાવનારી છે. આજે સવારે મહિલા જજ જ્યોત્સના રાય (29)નો મૃતદેહ સરકારી આવાસમાં લટકતો મળી આવ્યો હતો. આ ઘટનાની માહિતી મળતા પોલીસ પ્રશાસનમાં ખળભળાટ મચી ગયો હતો. ડીએમ-એસએસપી સહિત અનેક અધિકારીઓ ઘટનાસ્થળે પહોંચી ગયા હતા.
સિવિલ જજ જુનિયર ડિવિઝન કોર્ટના જજ જ્યોત્સના રાય શનિવારે સવારે તેમની કોર્ટમાં પહોંચ્યા ન હતા. અન્ય સાથી જજોએ તેમના નંબર પર ફોન કર્યો, પરંતુ કોલ રિસિવ ના થયો. કર્મચારીઓના જણાવ્યા અનુસાર જજના નિવાસનો દરવાજો અંદરથી બંધ હતો. ફોન કરવા છતાં દરવાજો ન ખૂલતાં પોલીસને જાણ કરવામાં આવી હતી. પોલીસે ઘટનાસ્થળે પહોંચીને તેમના ઘરનો દરવાજો ખોલ્યો હતો. ત્યારબાદ પોલીસ ઘરમાં પ્રવેશી હતી. તેમની લાશ રૂમની અંદર પંખા સાથે લટકતી હતી.
#WATCH | Uttar Pradesh | Budaun Civil Judge Junior Division Jyotsna Rai dies allegedly by suicide at her residence. She was found hanging at her residence. Forensic team carries out the investigation. Details awaited.
Visuals from the spot. pic.twitter.com/nQKvictmK5
— ANI UP/Uttarakhand (@ANINewsUP) February 3, 2024
પોલીસને મળી સુસાઇડ નોટ
મળતી માહિતી મુજબ મહિલા જજ પાસેથી એક સુસાઇડ નોટ પણ મળી આવી હતી. જો કે હજુ સુસાઇડ નોટ અંગે કોઈ ખુલાસો કરવામાં આવ્યો નથી. ફોરેન્સિક ટીમ અને ડોગ સ્કવોડને ઘટનાસ્થળે બોલાવવામાં આવ્યા હતા. આ ઘટના અંગે અધિકારીઓ કંઈપણ કહેવાથી બચી રહ્યા છે.
थाना कोतवाली क्षेत्रान्तर्गत जज कॉलोनी मे महिला जज के मृत अवस्था मे पाए जाने की घटना मे @dm_budaun व SSP #budaunpolice तथा अन्य अधि0गण द्वारा मौके पर पंहुचकर घटनास्थल का निरीक्षण कर मौजूद अन्य न्यायिक मजिस्ट्रेट से वार्ता की गयी। नियमानुसार अग्रिम वैधानिक कार्यवाही की जा रही है। pic.twitter.com/Z8Tvg7jqTu
— Budaun Police (@budaunpolice) February 3, 2024
નિવાસસ્થાનના કર્મચારીઓએ કરી પોલીસને જાણ
મળેલી માહિતી મુજબ આજે સવારે નિવાસસ્થાનના કર્મચારીઓએ જજ જ્યોત્સના રાયની લાશ લટકતી જોઈ હતી. પછી તેઓએ પોલીસ અને અન્ય જજોને જાણ કરી. આ પછી જિલ્લા ન્યાયાધીશ, ડીએમ, એસએસપી, સિટી એસપી તાત્કાલિક ઘટનાસ્થળે પહોંચી ગયા હતા. ઘટનાની સુચના મળતા જ ફોરેન્સિક ટીમ ઘટનાસ્થળે પહોંચી હતી. મામલાની તપાસ કરવામાં આવી રહી છે. કહેવામાં આવી રહ્યું છે કે જ્યોત્સના મૂળરૂપે મઉ જીલ્લાની રહેવાસી હતી. તે બદાયુમાં સિવિલ જજ જુનિયર ડિવિઝનની મુન્સિફ મેજિસ્ટ્રેટ હતી.
