- ડબલસવારી બાઈકમાં જતા મોરબી ગ્રામ્યના બે યુવાનના મોત!
@શ્રીકાંત પટેલ દ્વારા મોરબી
Morabi જિલ્લામાં vankanerના વઘાસીયા ટોલનાકા પાસે રોંગ સાઈડમાં આવતા કન્ટેનર ચાલકે ડબલ સવારી બાઈકને ઠોકરે ચડાવતા બાઈકમાં સવાર બંને યુવાનના ઘટનાસ્થળે જ કમકમાટીભર્યા મોત નીપજ્યા છે જે બનાવ મામલે પોલીસે ઘટનાસ્થળે દોડી જઈને વધુ તપાસ હાથ ધરી છે.
પ્રાપ્ત થયેલી વિગત મુજબ vankaner શહેર નજીક આવેલ વઘાસીયા ટોલનાકા પાસે બપોરના સુમારે જીવલેણ અકસ્માત(accident) સર્જાયો હતો જેમાં રોંગ સાઈડમાં આવતા ટ્રક કન્ટેનર ચાલકે ડબલ સવારી બાઈકને ઠોકરે ચડાવ્યું હતું. જેમાં બાઈક સહીત બંને યુવાનો ફંગોળાઈને નીચે પડી ગયા હતા જે અકસ્માતમાં બાઈક સવાર બંને યુવાનને ગંભીર ઈજા પહોંચતા સારવાર મળે તે પૂર્વે જ બંને યુવાનના મોત થયા હતા.
પોલીસ સુત્રો નાં જણાવ્યા મુજબ મૃતક ડાયાભાઇ જીવાભાઈ જીંજવાડિયા (ઉ.વ.૩૨) રહે. જીકીયારી તા. મોરબી અને સુખદેવ અદગામા (ઉ.વ.૨૦) રહે. મહેન્દ્રનગર તાલુકા મોરબી વાળા હોવાનું જાણવા મળ્યું છે. બનાવની જાણ થતા વાંકાનેર શહેર પોલીસના નગીનદાસ નિમાવત સહિતની ટીમ દોડી ગઈ હતી. બંને યુવાનોના મૃતદેહને પી.એમ. અર્થે હોસ્પિટલ ખસેડવામાં આવ્યા છે. અને અકસ્માતના બનાવ મામલે વધુ તપાસ ચલાવી રહી છે.
