અમદાવાદની પ્રખ્યાત (K D hospital) કે ડી હોસ્પિટલમાં સર્વર ડાઉન હોવાથી દર્દીઓને હાલાકીનો સામનો કરવાનો વારો આવ્યો છે. રેન્સમવેર એટેકથી હોસ્પિટલનું(K D hospital) સર્વર ડાઉન ચાલી રહ્યું હોવાને કારણે સારવારને લગતી સેવાઓને અસર પહોંચી છે. સાયબર એટેકને પગલે હોસ્પિટલની મહત્ત્વની ફાઈલો, દર્દીઓના ડેટા અને સીસીટીવી સહિતના ડેટાઓ કરપ્ટ થઈ ગયા છે.
કે.ડી.હોસ્પિટલમાં(K D hospital) રેન્સમવેર એટેક(ransomware attack) થયો હોવાનું સામે આવ્યું છે. રેન્સમવેર એટેકથી(ransomware attack) હોસ્પિટલનું સર્વર ડાઉન કરી હેકર્સ ગ્રુપ દ્વારા હોસ્પિટલની ફાઇલોમાં રહેલો ડેટા અને cctv સહિતના ડેટા ઇન્ક્રિપ્ટ કરી દેવાયા હતા. સાયબર એટેક(cyber attack )કરી કોમ્પ્યુટર સર્વરને નિશાન બનાવી હેકર્સ દ્વારા 70 હજાર ડોલર Bitcoinમાં ટ્રાન્સફર કરવાની માંગ કરાઇ હતી. 70 હજાર ડોલર Bitcoinમાં ટ્રાન્ફર કર્યા બાદ ડેટા પરત આપવાની હેકર્સ દ્વારા જાણ કરતા સમગ્ર રેન્સમવેર એટેકને(ransomware attack) લઈ પોલીસને ફરિયાદ નોંધાતા બોપલ પોલીસે ગુનો નોંધી તપાસ શરૂ કરી છે.
હોસ્પિટલના સોફ્ટવેર ઉપર રેન્સમવેર એટેક(ransomware attack) કર્યો
મુળ દેવભુમિ દ્વારકાના કિશોરભાઇ ગોજીયા વૈષ્ણવદેવી સર્કલ પાસે આવેલી કે ડી હોસ્પિટલમાં સીસીટીવી, કોમ્પ્યુટર સિસ્ટમ સર્વર તેમજ આઇટીને લગતુ કામ સંભાળે છે. ત્રણેક દિવસ પહેલા રાત્રે તેઓ ઘરે હતા ત્યારે હોસ્પિટલના નાઇટ સુપરવાઇઝરનો ફોન આવ્યો હતો અને હોસ્પિટલના સોફ્ટવેર યુઝર કામ ન કરતા હોવાનું કહી સર્વર ડાઉન(Server down) થઈ ગયું હોવાની વાત કરી હતી. બાદમાં તેઓએ સાથી કર્મી હિતેશભાઇને જાણ કરતા તેઓ સર્વરનું વી.એમ.વેર કનેક્ટ કરતા બધા જ સોફ્ટવેર બંધ બતાવતા હતા. એ પછી બધા જ સર્વર અને સોફ્ટવેર ચેક કરતા કોઈ અજાણ્યા શખ્સોએ કોઈ હેકર ગ્રુપ દ્વારા હોસ્પિટલના સોફ્ટવેર ઉપર રેન્સમવેર એટેક કર્યો હોવાનું માલુમ પડ્યું હતું.
ઇન્ટરનેટથી બધા જ સર્વરોનું કનેક્શન બંધ કરી દીધું
તાત્કાલિક કિશોરભાઈએ ઇન્ટરનેટથી બધા જ સર્વરોનું કનેક્શન બંધ કરી દીધું હતું. બાદમાં તેઓએ બાકીની વસ્તુઓ કે જેમાં કઈ કઈ સિસ્ટમને નુકસાન થયું છે અને કોઈ ડેટા રિકવર થઈ શકે તેમ છે કે કેમ તે બાબતે તપાસ કરી હતી. જેમાં તેઓને જાણ થઈ કે એક સર્વર ઉપર હેકર્સની એક્ટિવિટી ફાઈલ ચાલુ હતી અને બધી જ ફાઈલો ઈનક્રિપ્ટ થયેલી જોવા મળી હતી. હોસ્પિટલના ખૂબ જ અગત્યના ડેટાને પણ હેકર્સ દ્વારા નુકસાન કરવામાં આવ્યું હતું.
70 હજાર ડોલર બીટ કોઈન કરન્સીમાં આપો
ત્યારબાદ કિશોરભાઈએ હોસ્પિટલના સી.ઓ.ઓ ડોક્ટર પાર્થ દેસાઈને આ બાબતે જાણ કરતા ગાંધીનગર એનએફએસયુ ખાતે જાણ કરાઇ હતી. એ પછી ત્યાંની ટીમ આવી જતા સર્વરની ઈમેજ અને ઇન્ક્રિપ્ટ થયેલા સર્વરોની ઈમેજ લેવાનું કામ શરૂ કર્યું હતું. આ દરમિયાન તેઓના કોમ્પ્યુટરમાં એક ફોટો આવેલો હતો જેમાં, અમે તમારી હોસ્પિટલના તમામ ડેટા ઇન્ક્રિપ્ટ કરી નાખ્યા છે. જો તમારે ડેટા પાછા જોઈતા હોય તો અમારા આઈડી ઉપર અમારો સંપર્ક કરવો તેવો મેસેજ હતો. જેથી કિશોરભાઈએ હેકર્સ દ્વારા આપવામાં આવેલા આઇડી ઉપર કોમ્યુનિકેશન કરવાનો પ્રયત્ન કર્યો હતો. જેમાં વળતો મેસેજ આવ્યો હતો કે 70 હજાર ડોલર બીટ કોઈન કરન્સીમાં આપો. જેનો કિશોરભાઈએ કોઈ રીપ્લાય આપ્યો નહોતો. ત્યારબાદ સોમવારે રાત્રે ફરીથી હોસ્પિટલના આઇડી ઉપર મેલ આવ્યો હતો કે, અમે માંગેલી રકમ ઉપર તમને ડિસ્કાઉન્ટ આપવા તૈયાર છીએ જેનો પણ કિશોરભાઇએ કોઈ જવાબ આપ્યો નહોતો.
હોસ્પિટલના તમામ પેશન્ટના ડેટા સાચવીને રાખવાના હોવાથી આખરે કિશોરભાઈ દ્વારા સાઈબર સેલ હેલ્પલાઇન 1930 ઉપર ફોન કરતા આ અંગે બોપલ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી Cyber cellની મદદ સાથે તપાસ શરૂ કરી છે.
