@શ્રીકાંત પટેલ, મોરબી
મોરબીની બ્લુડાર્ક કુરીયરની(Bluedark Courier) ઓફીસમાં થયેલ રોકડા રૂપિયા પાંચ લાખ દશ હજાર તથા અન્ય મુદામાલની ધરફોડ ચોરી થઈ હતી જેને ગણતરીના કલાકોમાં ડીટેકટ કરી એક આરોપીને રોકડા રૂપિયા પાંચ લાખ દશ હજાર તથા અન્ય મુદામાલ મળી કુલ કિંમત રૂપિયા બાર લાખ પંદર હજા ના મુદામાલ સાથે મોરબી ક્રાઇમ બ્રાંચે ઝડપી પાડયો છે. પ્રાપ્ત થયેલી વિગત મુજબ ફરીયાદી મયુરભાઇ ભીખાભાઇ સોલંકી રહે.મોરબી રવાપર રોડ મેનેજર બ્લુડાર્ક કુરીયર પ્રા.લી.વાળાએ મોરબી સીટી એ ડીવીજન પોલીસ સ્ટેશન ખાતે આવી પોતાની ફરીયાદ જાહેર કરેલ કે તારીખ ૨૯/૦૫/૨૦૨૩ નાં રાત્રીના બારેક વાગ્યાથી સવારના નવેક વાગ્યાના સમય દરમ્યાન મોરબી શનાળા રોડ કે.કે.સ્ટીલની સામે જયદીપ પાઉભાજી વાળી શેરીમાં આવેલ બ્લુડાર્ક કુરીયરની(Bluedark Courier) ઓફીસમાં રાત્રીના બારેક વાગ્યાથી સવારના નવેક વાગ્યા દરમિયાન કોઇ અજાણ્યા ચોરે કુરીયરની ઓફીસના શટરના તાળા ખોલી ઓફીસમાં પ્રવેશ કરી ટેબલના ખાનામાં રાખેલ રોકડા રૂપિયા પાંચ લાખ દશ હજાર તથા બે સી.સી.ટી.વી કેમેરા તેમજ ડી.વી.આર. કિંમત રૂપિયા દશ હજાર મળી કુલ કિંમત રૂપિયા પાંચ લાખ વીસ હજાર ની ચોરી કરી લઇ ગયા અંગેની ફરીયાદ જાહેર કરતા મોરબી શહેર એ ડિવીજન પોલીસ સ્ટેશનમાં ઇ.પી.કો. કલમ- ૪૫૪,૪૫૭,૩૮૦, મુજબનો ગુનો રજીસ્ટર કરાવતા જે ગુનાની તપાસ મોરબી શહેર એ ડિવીજનના પોલીસ ઇન્સ્પેકટર ચલાવી રહ્યા હતા. ગુન્હાની ગંભીરતાને ધ્યાને લઇ આરોપીઓ તથા મુદામાલ શોધી કાઢવા બાબતે જિલ્લા પોલીસ અધિક્ષક મોરબી રાહુલ ત્રિપાઠી ની સુચના અને જરૂરી માર્ગદર્શન હેઠળ ક્રાઇમ બ્રાન્ચના પોલીસ ઇન્સપેકટર ડી.એમ.ઢોલ તથા પોલીસ સબ ઇન્સ્પેક્ટર તથા એલ.સી.બી. / પેરોલ ફર્લો સ્કવોડ / ટેકનીકલ ટીમ તથા મોરબી શહેર એ ડીવીજન પોલીસ સ્ટેશન સ્ટાફની અલગ અલગ ટીમો બનાવી આરોપી પકડી પાડવા તથા મુદામાલ હસ્તગત કરવા ચક્રો ગતિમાન કર્યા.
તે દરમ્યાન ડી.એમ.ઢોલ પોલીસ ઇન્સ્પેકટર એલ.સી.બી.મોરબી નાઓને ખાનગીરાહે બાતમી મળેલ કે આ કુરીયરની ઓફીસમાં આસીસ્ટન્ટ તરીકે કામ કરતો ક્રિતેજ રણજીતભાઇએ આ ચોરીને અજામ આપેલ છે. જેથી તેની તપાસ કરતા તે ગ્રે કલરની બ્રેઝા ગાડી સાથે મોરબી નરસંગ ટેકરી પાસેથી મળી આવતા તેને ગાડી સાથે મોરબી એલ.સી.બી. કચેરી ખાતે લાવી ગુન્હા સંબધી યુકિત પ્રયુકિતથી પુછપરછ કરતા આ ગુન્હો પોતે આચરેલ હોવાની હકિકત જણાવતો હોય જેથી તેની પાસેથી રોકડા રૂપિયા પાંચ લાખ દશ હજાર તથા ગુન્હામાં ઉપયોગ કરેલ ગ્રે કલરની બ્રેઝા ગાડી કિંમત રૂપિયા સાત લાખ તેમજ ઓપો કંપનીનો મોબાઇલ ફોન કિંમત રૂપિયા પાંચ હજાર મળીને કુલ કિંમત રૂપિયા બાર લાખ પંદર હજારનો મુદામાલ રીકવર કરી આ ધરફોડ ચોરીનો અનડીટેકટ ગુન્હો ગણતરીની કલાકોમાં ડીટેકટ કરી આરોપી ક્રિતેજ રણજીતભાઇ ડવ ઉવ-૧૯ ધંધો-કુરીયરમાં નોકરી રહે. અંકુર સોસાયટી શનાળા રોડ, મેઇન રોડ, મોરબી. મુળ ગામ- સમઢીયાળા તા.બાબરા જી. અમરેલી વાળાને મુદામાલ સાથે મોરબી શહેર એ ડીવીજન પોલીસ સ્ટેશનમાં સોપી આપેલ છે.
