કેનેડા સરકારનું મૌન વલણ : બગાડી શકે છે બંને દેશોના રાજદ્વારી સબંધો

@PRAX PATEL

CANADA ઓસ્ટ્રેલિયા અને અન્ય ઘણા વિદેશી દેશોમાં ખાલીસ્તાની સમર્થો માથું ઊંચકી રહ્યા છે. અવાર નવાર ખાલીસ્તાની ધ્વજ ફરાકવે છે. અને દેખાવો પણ યોજે છે. પરંતુ તાજેતરમાં કેનેડામાં બનેલી એક ઘટનાએ બધાને આશ્ચર્યમાં મૂકી દીધા હતા. કેનેડામાં ખાલિસ્તાન સમર્થકો દ્વારા પૂર્વ ભારતીય વડાપ્રધાન ઇન્દિરા ગઢની હત્યાની જાને ઉજવણી કરવામાં આવી હતી. ખાલીસ્તાની પરેડમાં ઇન્દિરા ગાંધીની હત્યાનો ટેબ્લો પ્રસ્તુતુ કરવામાં આવ્યો હતો.

ભારતીય હાઈ કમિશનનો ઘેરાવ, મંદિરોમાં તોડફોડ, ભારતીયો પર હુમલા, અને હવે એક પગલું આગળ ઇન્દિરા ગાંધીની હત્યાનો ટેબ્લો સાથે ખાલીસ્તાનીઓની કેનેડામાં રેલી. આયાત આટલું હોવા છતાં પણ કેનેડાની સરકાર ખાલિસ્તાની ઉગ્રવાદીઓ સામે કાર્યવાહી પર હંમેશા મૌન વલણ જ અપનાવ્યું છે.

કેનેડા સહીત વિદેશમાં નિરંકુશ ખાલિસ્તાન સમર્થકોની ગતિવિધિઓ હંમેશા હિંદુઓને અને તેમના ધર્મસ્થાનોને ટાર્ગેટ કરતી આવી છે. પરંતુ હવે તેમની હિંમત એટલી વધી ગઈ છે કે તેઓ ઈન્દિરા ગાંધીની હત્યાની ખુલ્લેઆમ ઉજવણી કરવા લાગ્યા છે. કેનેડાના બ્રામ્પટન શહેરમાં ખાલિસ્તાન સમર્થકોએ જે રીતે પરેડ કરી અને તેમાં ઈન્દિરા ગાંધીની હત્યા દર્શાવી તે ખૂબ જ શરમજનક અને ઘૃણાજનક છે. આ પરેડ લગભગ પાંચ કિમી સુધી કાઢવામાં આવી હતી.

આ ઘટના કેનેડિયન પોલીસે પણ પોતાની નજરે નિહાળી હતી. આતંકવાદનું આવું ખુલ્લેઆમ સમર્થન કોઈ પણ રાષ્ટ્ર માટે શરમજનક છે. આ શરમજનક ઘટના કેનેડામાં બની છે કારણ કે ત્યાંની સરકાર ખાલિસ્તાન સમર્થકોને પ્રોત્સાહન આપવામાં વ્યસ્ત છે. આ કારણે તેમની હિંમત વધી રહી છે.

કેનેડામાં ખાલિસ્તાન સમર્થકો ક્યારેક ભારતીય હાઈ કમિશનને ઘેરી લે છે, ક્યારેક ભારતીયો પર હુમલો કરે છે તો ક્યારેક મંદિરોને નિશાન બનાવે છે. કેનેડાની સરકાર જ્યારે પણ આ ખાલિસ્તાની ઉગ્રવાદીઓ સામે કાર્યવાહી કરવાનું કહે છે ત્યારે મૌન સેવે છે. તેમના વલણને કારણે કેનેડા ખાલિસ્તાન તરફી ગુનેગારો અને આતંકવાદીઓ માટે પ્રિય સ્થળ બની ગયું છે. પંજાબમાં હિંસા અને આતંક ફેલાવવાનું કાવતરું કરાવનારા મોટાભાગના લોકો માટે કેનેડા મનપસંદ જગ્યા છે. . કેનેડાની સરકાર આવા તત્વો સામે ક્યારેય કંઈ કરતી નથી.

આટલું ઓછું હોય તેમ ત્યાંના મેયરે કહ્યું આ ઘટનામાં કોઈ વાંધા જનક નથી. જો કે ભારતમાં કેનેડાના હાઈ કમિશનરે કહ્યું છે કે તેઓ આ શરમજનક એપિસોડથી આઘાત અને વ્યથિત છે અને તેમના દેશમાં નફરતની પ્રશંસા માટે કોઈ સ્થાન નથી. આ નિવેદન એક ઢાંકપિછોડો સિવાય બીજું કંઈ નથી, કારણ કે સત્ય એ છે કે કેનેડામાં ખાલિસ્તાન સમર્થકોની કટ્ટરતા અને નફરતને નિર્લજ્જતાથી પોષવામાં આવી રહી છે. જો કે ઉગ્રવાદી ખાલિસ્તાન સમર્થકો વિશ્વના ઘણા દેશોમાં સક્રિય છે, પરંતુ તેઓ કેનેડામાં જેટલા નિરંકુશ છે તેટલા બીજે ક્યાંય નથી.

તેનું કારણ એ છે કે કેનેડાની વર્તમાન સરકાર તે રાજકીય પક્ષના સમર્થનથી સત્તામાં છે, જે ખાલિસ્તાન સમર્થકોથી ભરપૂર છે. કેનેડાની સરકાર સંકુચિત રાજકીય કારણોસર ખાલિસ્તાન સમર્થકોના અરાજક અને નફરત ફેલાવનારા કૃત્યોને જાણી જોઈને અવગણી રહી છે. તે સારું છે કે વિદેશ પ્રધાન એસ. જયશંકરે પણ સ્પષ્ટ શબ્દોમાં જણાવ્યું હતું કે, કેનેડાની ધરતીનો ઉપયોગ ભારત વિરોધી પ્રવૃત્તિઓ માટે થઈ રહ્યો છે અને ખાલિસ્તાન સમર્થકોને ત્યાં જે સમર્થન મળે છે તે બંને દેશો વચ્ચેના સંબંધોને બગાડી શકે છે.