મોડાસા/ નિર્માણાધીન બિલ્ડીંગનો સ્લેબ ધરાશાયી, 3 શ્રમિકો નીચે પટકાયા, એકનું મોત

@ઋતુલ પ્રજાપતિ , અરવલ્લી

મોડાસામાં નિર્માણાધીન બિલ્ડીંગનો સ્લેબ તૂટ્યો છે. માલપુર રોડ પર ફોર સ્કવેર બિલ્ડિંગનો સ્લેબ તૂટ્યો છે. સ્લેબ તૂટતા ચોથા માળેથી શ્રમિકો પટકાયા હતા. આ ઘટનામાં એક શ્રમિકનું મોત નિપજ્યું છે. જ્યારે અન્ય બે શ્રમિક ગંભીર રીતે ઈજાગ્રસ્ત થયા છે. સેફ્ટી વગર ઊંચાઈ પર કામ કરતા બેદરકારીમાં આ ઘટના બની છે. ઘટનાને પગલે મોટી સંખ્યામાં લોકો એકઠા થઇ ગયા હતા અને પોલીસ તથા ફાયરની ટીમ ઘટના સ્થળે આવી પહોંચી હતી.

મોડાસા નગર પાલિકા વિસ્તારના માલપુર રોડ પર આવેલા શાસ્ત્રી મેદાન પાસે નિર્માધીન બિલ્ડીંગના ત્રીજા માળનો સ્લેબ તૂટી પડતા એક શ્રમિકનું મોત થયું છે. જ્યારે અન્ય બે ગંભીર છે.

સેફ્ટી સાધનો વગર કામ કરી રહ્યા હતા મજૂરો
વિગતો મુજબ, મોડાસાના માલપુર રોડ પર નિર્માધીન ફોરસ્ક્વેર નામની બિલ્ડીંગની કામગીરી દરમિયાન દુર્ઘટના સર્જાઈ હતી. ચોથા માળે ચાલતા કામ દરમિયાન ત્રીજા માળનો સ્લેબ ધરાશાયી થઈ ગયો હતો. જેમાં ચોથા માળેથી નીચે પટકાતા એક શ્રમિકનું મોત નીપજ્યું હતું, જ્યારે અન્ય બે શ્રમિકોને ગંભીર હાલતમાં હોસ્પિટલ ખસેડાયા છે. આટલી ઉંચાઈએ શ્રમિકો કોઈપણ વગરની સેફ્ટી વગર કામગીરી કરી રહ્યા હતા, જેના કારણે જાનહાનિ સર્જાઈ હતી. ઘટનાને પગલે પોલીસ અને ફાયરની ટીમ ઘટનાસ્થળે પહોંચી હતી.

પોલીસ કરશે આરોપીઓ સામે કાર્યવાહી?
મોડાસા શહેરમાં બિલ્ડરોના પાપે શ્રમિકો મોતને ભેટી રહ્યા છે, દુર્ઘટના જવાબદાર આરોપીઓને ઝડપી લેવામાં પોલીસ નિષ્ક્રિય રહી છે. ત્યારે આજે સર્જાયેલી ઘટના આરોપી સામે પોલીસ કેવી કાર્યવાહી હાથ ધરશે તે જોવું રહ્યું.

Flying Car: સુઝુકી અને સ્કાયડ્રાઈવ બનાવશે ઊડતી કાર, જાણો ભારતમાં ક્યારે લોકો ફ્લાઈંગ કારથી મુસાફરી કરી શકશે