Independence Day 2023 Special: આ વર્ષે ભારત(india) અને પાકિસ્તાન(pakistan) બંને તેમનો 77મો સ્વતંત્રતા દિવસ ઉજવી રહ્યા છે. 14 ઓગસ્ટ 1947ના રોજ પાકિસ્તાન આઝાદ થયું અને બીજા દિવસે 15 ઓગસ્ટ 1947ના રોજ ભારતને આઝાદી મળી. હવે સૌથી મોટો પ્રશ્ન એ છે કે જ્યારે આઝાદી પહેલા ભારત અને પાકિસ્તાન એક જ દેશ હતા, તો પછી બંનેની આઝાદીની તારીખમાં કેમ અને કેવી રીતે તફાવત છે. ચાલો જાણીએ કે પાડોશી દેશ પાકિસ્તાન શા માટે 14 ઓગસ્ટે તેનો સ્વતંત્રતા દિવસ ઉજવે છે.
14 ઓગસ્ટ અને પાકિસ્તાનનો સંબંધ
ભારતથી અલગ થવા અને પાકિસ્તાન બનવા પાછળ ઈતિહાસકારો અનેક દલીલો આપે છે. કેટલાક માને છે કે 14 ઓગસ્ટના રોજ પાકિસ્તાનને સ્વતંત્ર દેશ તરીકે મંજૂરી આપવામાં આવી હતી, તેથી આ દિવસે ત્યાં સ્વતંત્રતાનો તહેવાર ઉજવવામાં આવે છે. 14 ઓગસ્ટ, 1947ના રોજ તત્કાલિન વાઈસરોય લોર્ડ માઉન્ટબેટને પાકિસ્તાનને સ્વતંત્ર દેશનો દરજ્જો આપ્યો હતો.
પાકિસ્તાનનો સ્વતંત્રતા દિવસ અને ભૌગોલિક કારણ
પાકિસ્તાનના સ્વતંત્રતા દિવસની તારીખને લઈને ભૌગોલિક કારણો પણ આપવામાં આવ્યા છે. આ માટે બંને દેશોનો પ્રમાણભૂત સમય ગણવામાં આવે છે. વાસ્તવમાં, પાકિસ્તાનનો પ્રમાણભૂત સમય આપણા દેશ કરતાં 30 મિનિટ પાછળ છે. મતલબ કે જ્યારે ભારતમાં 12 વાગ્યા છે તો પાકિસ્તાનની ઘડિયાળો 11.30નો સમય બતાવી રહી છે. કેટલાક અહેવાલો કહે છે કે 14 ઓગસ્ટની રાત્રે બ્રિટિશ સરકારે ભારતીય સ્વતંત્રતા અધિનિયમ પર હસ્તાક્ષર કર્યા, તે સમયે રાતના 00.00 વાગ્યા હતા. મતલબ કે ભારતીય સમય અનુસાર 15 ઓગસ્ટની તારીખ આવી ગઈ હતી, પરંતુ પાકિસ્તાનમાં 14 ઓગસ્ટની રાત્રે માત્ર 11.30 હતી. આ કારણોસર, પાકિસ્તાન 14મી ઓગસ્ટે તેનો સ્વતંત્રતા દિવસ ઉજવે છે.
પાકિસ્તાનની આઝાદીની રસપ્રદ હકીકત
ઈતિહાસકારો જણાવે છે કે આઝાદી પછીના પ્રથમ 2 વર્ષ સુધી પાકિસ્તાન પણ પોતાનો સ્વતંત્રતા દિવસ 15 ઓગસ્ટે જ ઉજવતું હતું, પરંતુ બાદમાં મોહમ્મદ અલી જિન્નાહનું અવસાન થયું અને સ્વતંત્રતા દિવસ 14 ઓગસ્ટે મનાવવાનું શરૂ થયું.
1nonlynewsના whatsapp ગ્રુપમાં જોડાવા માટે નીચેની લિંક પર ક્લિક કરો
https://chat.whatsapp.com/HyFwqFPR3EP0gbrKvdU4C8
Independence Day 2023 Special: બેગમ હઝરત મહેલ: 1857 ની ક્રાંતિમાં ભાગ લેનાર પ્રથમ મહિલા
