ઇતિહાસમાં પહેલીવાર એવું થશે જ્યારે કોઇ એક ઈસ્લામિક દેશ મિસ યુનિવર્સની સ્પર્ધામાં ભાગ લેશે. ખરેખર અમે વાત કરી રહ્યા છીએ સાઉદી અરબની જે પહેલીવાર તેના દેશની મહિલા ઉમેદવારને મિસ યુનિવર્સની સ્પર્ધામાં ભાગ લેવા માટે મંચ પર મોકલશે.
આ મામલે માહિતી ખુદ રુમી અલકાહતાનીએ આપી છે જે મિસ યુનિવર્સ 2024ની સ્પર્ધામાં સાઉદી અરબનું પ્રતિનિધિત્વ કરશે. ઉલ્લેખનીય છે કે ઈતિહાસમાં આવું પહેલીવાર થશે જ્યારે મિસ યુનિવર્સના મંચ પર એક ઈસ્લામિક દેશ સાઉદી અરબનો ઝંડો જોવા મળશે. રુમી અલકાહતાની 27 વર્ષીય મોડલ છે જે સાઉદી અરબમાં રહી ચૂકી છે. આટલું જ નહીં મિસ અરબ વર્લ્ડ પીસ 2024 અને મિસ વૂમન (સાઉદી અરબ) પણ રુમી અલકાહાતાની જીતી ચૂકી છે.
હું સન્માનિત અનુભવું છું : રુમી
આ મામલે સોશિયલ મીડિયા પર રુમી અલકાહતાનીએ કહ્યું કે મિસ યુનિવર્સ 2024માં ભાગ લેવાથી હું ખુદને સન્માનિત મહેસૂસ કરી રહી છું. આટલું જ નહીં પણ તેમણે પોતાના અનેક ફોટોસ પણ ઈન્સ્ટાગ્રામ પર શેર કર્યા હતા જેમાં તે અતિ સુંદર લાગી રહી છે.
મેક્સિકોમાં યોજાશે આ સ્પર્ધા
ઉલ્લેખનીય છે કે આ વખતે મેક્સિકોમાં મિસ યુનિવર્સ 2024નું આયોજન થશે. હાલ નિકારાગુઆની શેન્નિસ પલાસિયોસ મિસ યુનિવર્સ છે.
View this post on Instagram
લોકોએ શું કહ્યું
સાઉદી અરેબિયા એક ઇસ્લામિક દેશ છે. આવી સ્થિતિમાં, મિસ યુનિવર્સ સ્પર્ધામાં સાઉદીની ભાગીદારી એક મોટો સંદેશ છે. આ પોસ્ટ પર લોકોએ તેમને અભિનંદન પાઠવ્યા હતા. ઘણા લોકોએ તેને શુભકામના પાઠવી હતી. ઘણા લોકોએ તેની સુંદરતાના વખાણ કર્યા. આ પહેલા પાકિસ્તાનની એરિકા રોબિનને મિસ યુનિવર્સની પ્રારંભિક સ્પર્ધા જીત્યા બાદ વિરોધનો સામનો કરવો પડ્યો હતો. કરાચીની રહેવાસી એરિકા રોબિન પાકિસ્તાનની પ્રથમ મિસ યુનિવર્સ બની હતી.
એરિકાએ વિરોધ કર્યો
એરિકા રોબિન ખ્રિસ્તી ધર્મની આસ્તિક છે. ગયા વર્ષે માલદીવમાં આને લગતી એક સ્પર્ધા યોજાઈ હતી, જેમાં પાંચ મહિલાઓ ફાઇનલમાં પહોંચી હતી. એરિકા આ બધાને પાછળ છોડીને પ્રથમ મિસ યુનિવર્સ પાકિસ્તાન બની. જો કે તેની સફળતાથી પાકિસ્તાનના લોકો નારાજ થઈ ગયા હતા. પાકિસ્તાનના ઘણા રાજકીય અને ધાર્મિક નેતાઓના મતે આ પાકિસ્તાનનું અપમાન હતું. કેટલાક લોકોએ તો એમ પણ કહ્યું કે એરિકાએ દેશની પરવાનગી વિના આ સ્પર્ધામાં ભાગ લીધો હતો. ઘણા નેતાઓએ પાકિસ્તાન સરકાર પાસે તપાસની માંગ કરી હતી.
