વરસાદી માહોલમાં પાણીજન્ય રોગ વકરે તે સ્વાભાવીક છે, પરંતુ સામાન્ય તાવ અને શરદી જેવા પાણીજન્ય રોગની સાથે સાથે ડેગ્યું અને ચીકનગુનીયા પણ તેજી સાથે ફેલાય રહ્યો હોવાનાં કારણે તમામ લોકોએ સાવચેત રહેવાની તાતી જરુર દેખાય છે. રાજકોટ શહેરમાં આજથી ચોમાસાનો નવો હળવો વરસાદ શરૂ થયો છે ત્યારે છેલ્લા એકાદ મહિનાથી સતત મિશ્ર ઋતુના કારણે વધેલો રોગચાળો હજુ અટકવાનું નામ લેતો નથી. તેમાં છેલ્લા અઠવાડિયામાં શહેરમાં ડેંગ્યુની સાથે ચીકનગુનીયાએ પણ ફુંફાડો માર્યો છે. સપ્તાહમાં ડેંગ્યુના 10, ચીકનગુનીયાના 9 અને મેલેરીયાના બે નવા કેસ આવ્યા છે. મચ્છરજન્ય ઉપરાંત ખોરાક અને પાણીજન્ય રોગચાળો પણ આ મહિનામાં ઘણો વધી ગયો છે. દર સપ્તાહે ડેંગ્યુના 10-10 જેટલા કેસ આવી રહ્યા છે. તા.11 થી 17ના સપ્તાહમાં પણ નવા 10 કેસ આવ્યા છે તો હાડકા બેવડા વાળી દેતા ચીકનગુનીયાના એક સાથે અને ચાલુ વર્ષમાં સપ્તાહના સૌથી વધુ 9 દર્દી નોંધાયા છે. આ ભારે તાવ પણ ભયજનક રીતે પ્રસર્યો છે. તો મેલેરીયાના બે કેસ આવ્યા છે.
સપ્તાહમાં શરદી, ઉધરસના કેસ વધીને 582 અને ઝાડા ઉલ્ટીના 227 આવ્યા છે. જયારે સામાન્ય તાવના બાવન દર્દી નોંધાયા છે. ચાલુ 2023ના વર્ષમાં મેલેરીયાના કુલ રર, ડેંગ્યુના 75, ચીકનગુનીયાના 26, શરદી, ઉધરસના 12349, સામાન્ય તાવના 153ર અને ઝાડા-ઉલ્ટીના 4280 કેસ આવ્યા છે. ચાલુ સપ્તાહ સિવાય અગાઉ ટાઇફોઇડના પાંચ દર્દી નોંધાયા હતા. હાલ ફરી વરસાદી માહોલ શરૂ થયો છે. આથી મચ્છરજન્ય રોગચાળો વધુ ફેલાવા ચિંતા છે. નાગરિકોને મચ્છરથી બચવા અને બહારના ખાણીપીણી આરોગવામાં પૂરતી સતર્કતા રાખવા આરોગ્ય વિભાગે અનુરોધ કર્યો છે.
ડેંગ્યુના એડીસ મચ્છર દિવસના સમયે કરડે છે અને એક સાથે વઘુ લોકોને કરડતો હોવાથી, વઘુ જનસમુદાય હોય તેવા સ્થરળો એ આવા રોગ ફેલાવવાનો જોખમ વઘુ રહે છે. તંત્ર દ્વારા ડેંગ્યુ, મેલેરિયા, ચિકુનગુનિયા વગેરે જેવા રોગોને નિયંત્રિત કરવા માટે સતત પ્રયાસો થઈ રહ્યા છે. આ રોગો માનવીની જીવનશૈલી સાથે સીધા સંકળાયેલા હોવાથી તેમાં લોકોની જાગૃતિ અનિવાર્ય ગણાવાય રહી છે. વાહક નિયંત્રણની કામગીરી હેઠળ તા.11 થી 17-9 દરમ્યાન 54,775 ઘરોમાં પોરાનાશક અને 4145 ઘરોમાં ફોગીંગ કામગીરી કરવામાં આવી હતી. મેલેરીયા વિભાગ દ્વારા રહેણાક સિવાય અન્ય 562 પ્રીમાઇસીસમાં મચ્છર ઉત્પતિ સબબ તપાસ કરવામાં આવેલ છે. જેમાં રહેણાંક માં 400 અને કોર્મશીયલ 113 આસામીને નોટીસ તથા 41 આસામી પાસે થી રૂા.20,700ના વહીવટી ચાર્જ વસુલાત કરવામાં આવેલ છે.
1nonlynewsના whatsapp ગ્રુપમાં જોડાવા માટે નીચેની લિંક પર ક્લિક કરો:-
https://chat.whatsapp.com/HyFwqFPR3EP0gbrKvdU
