મોહસીન દાલ ગોધરા
શ્રી ગોવિંદ ગુરુ યુનિવર્સિટીની ઇન્ટર કોલેજ વેઇટ લિફ્ટિંગ સ્પર્ધાનું આયોજન બાલાસિનોરની આર્ટ્સ એન્ડ કોમર્સ કોલેજ ખાતે યોજાઇ હતી. આ સ્પર્ધામાં કોમર્સ કોલેજ ગોધરાએ ઉત્કૃષ્ટ દેખાવ કરી ભાગ લેનાર તમામ સ્પર્ધકો કરતાં સૌથી વધારે વજન ઉંચકીને કોલેજ માટે એક રેકોર્ડ સ્થાપિત કર્યો છે.
આ સ્પર્ધામાં ૭૪ કી.ગ્રા. કેટેગરીમાં શ્રી સાર્વજનિક કોમર્સ કોલેજ ગોધરાનો વિદ્યાર્થી આદિલ મો.ઇકબાલ મફત પ્રથમ ક્રમે આવતા કોલેજ સંચાલક મંડળના પ્રમુખ ગોપાલસિંહજી સોલંકી, સેક્રેટરી અને જિલ્લા પંચાયતના પ્રમુખ કુ. કામિનીબેન ગોપાલસિંહ સોલંકી, સંસ્થાના આચાર્ય ડો.અરુણસિંહ સોલંકી તથા સ્પોર્ટ્સ ઇન્ચાર્જ ડૉ.વીણાબેન સહિત સમગ્ર કોલેજ પરિવારે આદિલને અભિનંદન પાઠવ્યા છે.
