- મનસે પ્રમુખ રાજ ઠાકરેએ કહ્યું કે આપણે સૌથી પહેલાં મહારાષ્ટ્ર પર ધ્યાન આપવાની જરૂર છે
નવી મુંબઈમાં સિડકો એક્ઝિબિશન સેન્ટર ખાતે આયોજિત વિશ્વ મરાઠી સંમેલનમાં મહારાષ્ટ્ર નવનિર્માણ સેના (મનસે)ના પ્રમુખ રાજ ઠાકરેએ હિન્દી ભાષાને લઈને એક વિવાદાસ્પદ નિવેદન આપ્યું હતું. તેમણે ફરી એકવાર મરાઠી કાર્ડ રમતાં કહ્યું કે હું આજ સુધી મરાઠીના વિરષય પર જેલ પણ ગયો છું, હું કડવો મરાઠી છું. મારા માટે સંસ્કાર એવા જ બની ગયા છે.
મનસે પ્રમુખ રાજ ઠાકરેએ કહ્યું કે આપણે સૌથી પહેલાં મહારાષ્ટ્ર પર ધ્યાન આપવાની જરૂર છે. મરાઠી માણુસ આખી દુનિયામાં છે. એટલા માટે તેમને શુભેચ્છા. રાજ ઠાકરેએ આગળ કહ્યું કે પણ જ્યારે હું મહારાષ્ટ્રના શહેરોમાં મરાઠી સિવાય હિન્દી ભાષા મારા કાને સંભળાય છે તો તકલીફ થવા લાગે છે. ભાષાનો કોઈ વિરોધ નથી પણ હિન્દી રાષ્ટ્રભાષા નથી. અન્ય ભાષાઓની જેમ હિન્દી પણ એક ભાષા છે. દેશમાં ક્યારેય રાષ્ટ્રભાષા અંગે કોઈ નિર્ણય લેવાયો નથી.
સ્કૂલોમાં મરાઠી ભાષા ફરજિયાત બનાવવા પર મૂક્યો ભાર
આ પ્રસંગે રાજ ઠાકરેએ આગ્રહ કર્યો કે મહારાષ્ટ્ર સરકારે રાજ્યની તમામ સ્કૂલોમાં ધોરણ 1 થી 10માં ધોરણ સુધી મરાઠી ભાષા ફરજિયાત બનાવી દેવી જોઇએ. સાથે જ રાજ ઠાકરેએ દર્શકોને અપીલ કરી હતી કે તે તેમની સામે આવતા દરેક વ્યક્તિ સાથે મરાઠીમાં જ વાતો કરે. તેમણે કહ્યું કે આપણે હિન્દી ફિલ્મોથી સંસ્કારિત થયા. આપણે મરાઠી લોકો બોલચાલમાં પણ હિન્દી ભાષાનો કેમ પ્રયોગ કરીએ છીએ? મરાઠી ઘણી મહાન ભાષા છે. મને નથી લાગતું કે કોઈ અન્ય ભાષામાં એવું હાસ્ય છે જે મરાઠી ભાષામાં છે પણ આજે આ ભાષાને કિનારે કરવાના રાજકીય પ્રયાસો થઈ રહ્યા છે. આ જોઈને મારું માથું ફરી જાય છે.
whatsapp group please click below link
https://chat.whatsapp.com/CFQlIEu48jp8lZeNw9Mor3
ભારતના આ ત્રણ બહાદુર સૈનિકોને જીવતા પરમવીર ચક્ર મળ્યું, આ છે તેમના નામ
20 વર્ષના યુવકે ઘરના ટોયલેટમાં જ ખાધો ગળે ફાંસો, નાના દીકરાના મોતથી પરિવાર શોકમાં ગરક
