Karnataka CM Race: કર્ણાટકના આગામી સીએમની પસંદગી માટે કોંગ્રેસમાં ખેંચતાણ ચાલી રહી છે. હવે સમાચાર આવી રહ્યા છે કે ડીકે શિવકુમારે(DK Shivakumara) કોંગ્રેસ હાઇકમાન્ડના નિર્ણયને માન્ય રાખ્યો નથી. સૂત્રોનું કહેવું છે કે તે ડીકે(DK Shivakumara)ને કરાયેલી ઓફર માટે તૈયાર નથી. ડીકેને ડેપ્યુટી સીએમ અને 6 મંત્રાલયની ઓફર કરવામાં આવી છે. શિવકુમારના સમર્થકોએ સૂત્રોને જણાવ્યું કે શિવકુમાર સીએમ પદથી ઓછા કંઈપણ માટે તૈયાર નથી.
સૂત્રોના જણાવ્યા અનુસાર જો મુખ્યમંત્રીની ફોર્મ્યુલા પણ અઢી વર્ષ માટે આવે છે તો શિવકુમારને(DK Shivakumara) તેના પર મક્કમ જાહેરાતની જરૂર છે. બુધવારે (17 મે) રાહુલ ગાંધી(rahul gandhi ) અને કોંગ્રેસ અધ્યક્ષ મલ્લિકાર્જુન ખડગેને(mallikarjun kharge) મળ્યા પછી, ડીકે શિવકુમારે દિલ્હીમાં તેમના ભાઈ અને સાંસદ ડીકે સુરેશના ઘરે પાર્ટી નેતાઓ અને તેમના સમર્થકો સાથે ચર્ચા કરી.
શપથ ગ્રહણ સમારોહની તૈયારીઓ શરૂ
દરમિયાન, કર્ણાટકના નવા મુખ્યમંત્રીના શપથ ગ્રહણ સમારોહ માટે બેંગલુરુમાં તૈયારીઓ ચાલી રહી છે. પોલીસ અધિકારીઓ બેંગલુરુમાં શ્રી કાંતિરવા આઉટડોર સ્ટેડિયમનું નિરીક્ષણ કરે છે, જ્યાં નવી કર્ણાટક(karnataka) સરકારનો શપથ ગ્રહણ સમારોહ યોજાય તેવી શક્યતા છે.
કોંગ્રેસ નેતા રણદીપ સુરજેવાલા(randip surjewala)એ કહ્યું કે કર્ણાટકના મુખ્યમંત્રી અંગે જે પણ નિર્ણય લેવામાં આવશે તેની જાહેરાત કોંગ્રેસ અધ્યક્ષ મલ્લિકાર્જુન ખડગે કરશે. જ્યાં સુધી જાહેરાત ન થાય ત્યાં સુધી મુખ્યમંત્રીના નામે ચાલતા સમાચારો અને અફવાઓ પર ધ્યાન ન આપો. ખડગે સાહેબ વતી જાહેરાત કરવામાં આવશે. આગામી 48-72 કલાકમાં મુખ્યમંત્રીના નામની જાહેરાત કરવામાં આવશે. હાઈકમાન્ડની દેખરેખ હેઠળ પાર્ટીમાં મુખ્યમંત્રીના નામની ચર્ચા સતત ચાલી રહી છે.
