કરવાચોથના દિવસે મિત્રને મુકી પત્નિ માટે મીઠાઈ લેવા જતાં રસ્તા પર અકસ્માતમા પતિનું મોત….બાઈક સામ સામી ભટકાતાં ગંભીર અકસ્માતમાં એકનું મૃત્યુ અને એક ગંભીર રીતે ઘાયલ…ચાંદ દેખાતા પત્નીએ મોબાઈલમાં પતિનો ફોટો જોઈને કડવાચોથનું વ્રત છોડ્યું..
ઉનાના તડ ચેક પોસ્ટ તેમજ કેન્દ્રશાસિત દિવ ચેક પોસ્ટ વચ્ચે તડ ગામ નજીક કડવાચોથના દિવસે રાત્રિનાં બાઈક ચાલક મિત્રને મુકી પત્નિ માટે મીઠાઈ લેવા જતાં રસ્તા પર બે બાઇક સામ સામે જોરદાર ટકરાતા એક બાઈક ચાલકને ગંભીર ઈજા થતાં
ઘટના સ્થળે મોત નિપજ્યુ હતુ. જ્યારે એક યુવાનને ગંભીર ઈજા પહોંચતા પ્રથમ દિવ હોસ્પીટલ બાદમા વધું સારવાર અર્થે ઉના ખસેડવામા આવેલ છે. આ અકસ્માતની ઘટનામાં યુવાનના મોતથી તેમનાં પરિવારજનોમાં ભારે શોક પ્રસરી ગયો હતો.
દિવની બોર્ડરે નજીક ગુજરાતના તડ ગામમાં રહેતા દેવીપુજક પરિવારમાં કડવાચોથની ઉજવણીની તૈયારીઓ ચાલી રહી હતી. અને પરિવારની તમામ પ્રતિ વ્રતા સ્ત્રીઓ લાલ રંગની સાડીઓમાં ચાંદ દેખાવાની રાહ જોતી હતી. ત્યારે પોતાના મિત્રને તડ ગામેથી દિવ મુકી પત્ની માટે મીઠાઈ લેતો આવું કાકાને કહીને બાઈકની ચાવી લઈને જતાં ઉનાના તડ ચેક પોસ્ટની બોર્ડરે દિવ તરફથી નાથળ ગામના ભરતભાઈ બાબુ પોતાની બાઈક ન.GJ-01-NC-6815 લઈને દિવ થી તડ તરફ જતા હતાં. ત્યારે તડ તરફથી દિવ જતાં સંતોષ મનસુખ સોલંકીની બાઈક ન. DD-02-C-2895ની સામ સામે ટક્કર થતાં ગંભીર અકસ્માત સર્જાયો હતો. જેમા સંતોષભાઈનું ઘટના સ્થળે માથાનાં ભાગે ગંભીર ઈજાઓ થતાં મૃત્યુ નીપજ્યું હતું. જોકે ઈમરજન્સી 108ને જાણ કરતા પ્રથમ નજીક દિવની એમ્બ્યુલન્સ તાત્કાલિક ઘટના સ્થળે દોડી જઇ દિવ હોસ્પિટલે ખસેડવામાં આવ્યા હતા.
જ્યારે નાથળના ભરતભાઈને માથાનાં ભાગે ગંભીર ઈજાઓ થતાં વધુ સારવાર માટે ઉનાની હોસ્પિટલમાં ખસેડવામાં આવેલ હતા. બન્ને બાઈક ચાલકોએ હેલ્મેટ ન પહેરલ હોવાથી બન્નેને માથાનાં ભાગે ગંભીર ઈજાઓ થઈ હતી. અકસ્માતના સમાચાર વાયુવેગે કડવાચોથના વ્રત રહેલી પત્નીને મળતાં પત્ની ચોધાર આંસુએ રડી પડ્યા હતા. ચાંદ દેખાતા પત્નીએ મોબાઈલમાં પતિનો ફોટો જોઈને કડવાચોથનું વ્રત છોડ્યું હતું. પરંતું પત્નિને કયા ખબર હતી. અકસ્માતમાં જે પતિની લાંબી ઉંમર કડવાચોથનું વ્રતનું ઉપવાસ રાખેલ પતિનું જ અકસ્માતમાં મૃત્યુ થશે. આ અકસ્માતના પરિવાર ઉપર આભ તુટી પડ્યું.
કડવાચોથનો પ્રસંગ માતમમાં ફેરવાઈ ગયો હતો. આ અકસ્માતની ઘટના દિવ અને ગુજરાતની બોર્ડર પર નવાબંદર મરીન પોલીસની હદ આવેલ હોય નવાબંદર મરીન પોલીસે અકસ્માતનો ગુન્હો નોંધી આગળની તપાસ હાથ ધરેલ છે.
રીપોર્ટર કાર્તિક વાજા ઊના
