IPL 2023 ની ક્વોલિફાયર-2ની મેચ મુંબઈ ઈન્ડિયન્સ અને ગુજરાત ટાઇટન્સ વચ્ચે અમદાવાદના નરેન્દ્ર મોદી સ્ટેડિયમમાં રમાઈ હતી. શુક્રવારે રમાયેલી આ મેચમાં ગુજરાતની ટીમના ઓપનર શુભમન ગિલે ખતરનાક ઇનિંગ રમી રેકોર્ડની વણઝાર લગાવી દીધી હતી. તોફાની અંદાજમાં સદી ફટકારી હતી. ગિલ IPL પ્લેઓફમાં સદી ફટકારનાર સૌથી યુવા ખેલાડી બની ગયો છે. તેણે આ સદી 23 વર્ષ અને 260 દિવસની ઉંમરમાં ફટકારી હતી.
ભારતીય ટીમના સ્ટાર ઓપનર શુભમન ગિલને અમદાવાદનું નરેન્દ્ર મોદી સ્ટેડિયમ ગમી ગયું લાગે છે. જ્યારે પણ તે આ મેદાન પર બેટિંગ કરે છે ત્યારે તે ચોક્કસપણે કોઈને કોઈ રેકોર્ડ બનાવે છે. આ મેદાન પર ગિલનું બેટ જોરદાર ચાલે છે. ગિલે ભારતીય ટીમ તરફથી રમતા આ મેદાન પર ટેસ્ટ અને T20 ઈન્ટરનેશનલમાં સદી ફટકારી છે.
ગઈ કાલે શુક્રવારના રોજ પણ કંઈક આવું જ બન્યું હતું. આ દિવસે ઈન્ડિયન પ્રીમિયર લીગ (IPL) 2023 ની ક્વોલિફાયર-2 મેચમાં મુંબઈ ઈન્ડિયન્સ (MI) સામે ઓપનર શુભમન ગિલે તોફાની અંદાજમાં સદી ફટકારી હતી.
ગિલે તેની સદીમાં 10 છગ્ગા અને 7 ચોગ્ગા ફટકાર્યા હતા.
ગિલે માત્ર 49 બોલમાં પોતાની સદી પૂરી કરી હતી. તેનો સ્ટ્રાઈક રેટ 212 હતો. જ્યારે મેચમાં ગિલે 60 બોલમાં કુલ 129 રન બનાવ્યા હતા. તેણે પોતાની ઇનિંગમાં 10 સિક્સ અને 7 ફોર ફટકારી હતી. આ દરમિયાન તેનો સ્ટ્રાઈક રેટ 215 હતો. શુભમન ગિલે તેની ઝડપી ઇનિંગ્સના આધારે રેકોર્ડની ધૂમ મચાવી છે. ગિલ વર્તમાન IPL સિઝનમાં ઓરેન્જ કેપની રેસમાં પણ ટોપ પર પહોંચી ગયો છે. તેણે ફાફ ડુ પ્લેસિસને પાછળ છોડી દીધો. ગિલે વર્તમાન સિઝનમાં 16 મેચમાં કુલ 851 રન બનાવ્યા છે. તેની એવરેજ 60.78 રહી છે.
અમદાવાદમાં શુભમન ગીલની તોફાની સદી
128 (ભારત) વિ ઓસ્ટ્રેલિયા – ટેસ્ટ મેચ – 9 માર્ચ 2023
126* (ભારત) વિ ન્યુઝીલેન્ડ T20 ઇન્ટરનેશનલ 1 ફેબ્રુઆરી 2023
101 (ગુજરાત ટાઇટન્સ) Vs સનરાઇઝર્સ હૈદરાબાદ – IPL મેચ – 15 મે 2023
129 (ગુજરાત ટાઇટન્સ) વિ મુંબઇ ઇન્ડિયન્સ – IPL મેચ – 26 મે 2023
ગિલે આઈપીએલમાં સદી સાથે શ્રેણીબદ્ધ રેકોર્ડ બનાવ્યા
શુભમન ગિલ IPL પ્લેઓફમાં સદી ફટકારનાર સાતમો ખેલાડી બની ગયો છે. તેમજ ગિલ IPL પ્લેઓફમાં સદી ફટકારનાર સૌથી યુવા ખેલાડી બની ગયો છે. તેણે આ સદી 23 વર્ષ અને 260 દિવસની ઉંમરમાં ફટકારી છે.
શુભમન ગિલ સંયુક્ત રીતે IPL પ્લેઓફમાં સૌથી ઝડપી સદી ફટકારનાર પ્રથમ ખેલાડી બની ગયો છે. ગિલ ઉપરાંત રિદ્ધિમાન સાહા અને રજત પાટીદારે પણ 49-49 બોલમાં સદી ફટકારી હતી.
વર્તમાન IPL સિઝનમાં શુભમન ગિલની આ ત્રીજી સદી છે. આ પહેલા તેણે ગ્રુપ સ્ટેજમાં બંને સદી ફટકારી હતી. એક જ IPL સિઝનમાં ત્રણ કે તેથી વધુ સદી ફટકારનાર ગિલ માત્ર ત્રીજો ખેલાડી છે. વિરાટ કોહલી (2016) અને જોસ બટલરે (2022) 4-4 સદી ફટકારી છે.
IPL પ્લેઓફમાં સૌથી મોટી ઇનિંગ્સનો રેકોર્ડ
129- શુભમન ગિલ (GT) vs MI, અમદાવાદ, 2023 Q2
122- વીરેન્દ્ર સેહવાગ (PBKS) vs CSK, મુંબઈ વાનખેડે, 2014 Q2
117* – શેન વોટસન (CSK) vs SRH, મુંબઈ વાનખેડે, 2018 ફાઈનલ
115* – રિદ્ધિમાન સાહા (PBKS) વિ કેકેઆર, બેંગલુરુ, 2014 ફાઇનલ
IPL સિઝનમાં સૌથી વધુ સદીનો રેકોર્ડ
4 – વિરાટ કોહલી (RCB, 2016)
4 – જોસ બટલર (RR, 2022)
3 – શુભમન ગિલ (GT, 2023)
IPL પ્લેઓફમાં એક ઇનિંગમાં સૌથી વધુ છગ્ગાનો રેકોર્ડ
10 – શુભમન ગિલ (GT) vs MI, અમદાવાદ, 2023 Q2
8 – રિદ્ધિમાન સાહા (PBKS) vs KKR, બેંગલુરુ, 2014 ફાઈનલ
8 – ક્રિસ ગેલ (RCB) વિ SRH, બેંગલુરુ, 2016 ફાઈનલ
8 – વીરેન્દ્ર સેહવાગ (PBKS) vs CSK, મુંબઈ વાનખેડે, 2014 Q2
8 – શેન વોટસન (CSK) વિ SRH, મુંબઈ વાનખેડે, 2018 ફાઈનલ
IPLની એક સિઝનમાં સૌથી વધુ રનનો રેકોર્ડ
973 – વિરાટ કોહલી (RCB, 2016)
863 – જોસ બટલર (RR, 2022)
851* – શુભમન ગિલ (GT, 2023)
848 – ડેવિડ વોર્નર (SRH, 2016)
735 – કેન વિલિયમસન (SRH, 2018)
