karnatakaમાં કોંગ્રેસે લાંબા ગાળાબાદ ઐતિહાસિક જીત નોંધાવી છે. પરંતુ હવે આ જીત કોંગ્રેસના ગાળાનો ગાળિયો બની ગઈ છે. હાઈકમાન્ડ અને રાહુલ ગાંધી સમક્ષ મોટો સવાલ એ છે કે રાજ્યના મુખ્યમંત્રી કોણ બનશે? કોંગ્રેસ કર્ણાટકમાં ડીકે શિવકુમાર અને સિદ્ધારમૈયા વચ્ચે ચાલી મુખ્યમન્ત્રી બનવા માટે હોડ જામી છે.
2024ની લોકસભા ચૂંટણી પહેલા karnatakaમાં 224માંથી 135 બેઠકો જીતીને કોંગ્રેસે કમલ કરી દેખાડ્યો છે. પરંતુ karnatakaના આગામી મુખ્યમંત્રી કોણ હશે? . કોંગ્રેસના વરિષ્ઠ નેતાઓ સિદ્ધારમૈયા અને ડીકે શિવકુમાર વચ્ચે મુખ્યમંત્રી અણબનાવ થયો છે, ચૂંટણી પછી તરત જ કર્ણાટકના આગામી મુખ્ય પ્રધાનને લઈને સસ્પેન્સ વધ્યો છે.
તમામ વિવાદો વચ્ચે પૂર્વ મુખ્યમંત્રી સિદ્ધારમૈયાએ સત્તા વહેંચણીની ફોર્મ્યુલા રજૂ કરી હતી. સિદ્ધારમૈયા દ્વારા એવું કહેવામાં આવ્યું હતું કે, તેમની ઉંમર વધી રહી છે, તેથી તેઓ મુખ્યમંત્રી બનવા માંગે છે અને ઓછામાં ઓછા આવતા વર્ષની લોકસભા ચૂંટણી સુધી કોંગ્રેસ સરકાર ચલાવવા માંગે છે. જો કે, ડીકે શિવકુમારે પાવર-શેરિંગ ફોર્મ્યુલાને નકારી કાઢી હતી અને રાજસ્થાન અને છત્તીસગઢના કેસ ટાંક્યા હતા.
નોંધનીય છે કે, છત્તીસગઢમાં મુખ્યમંત્રી ભૂપેશ બઘેલ અને ટીએસ સિંહ દેવ વચ્ચે ખુરશીને લઈને જ ટક્કર જોવા મળી રહી છે. તો બીજી તરફ રાજસ્થાનમાં સીએમ અશોક ગેહલોત અને પૂર્વ ડેપ્યુટી સીએમ સચિન પાયલટ વચ્ચે પણ ખુરશીને લઇ લડાઈ
કર્ણાટક અને ત્યાં કોંગ્રેસ પાર્ટી દ્વારા મુખ્યમંત્રીની પસંદગીની વાત કરીએ તો તમને જણાવી દઈએ કે બે વરિષ્ઠ નેતાઓ ડીકે શિવકુમાર અને સિદ્ધારમૈયા વચ્ચે ચાલી રહેલી મડાગાંઠે કોંગ્રેસ પાર્ટી અને રાહુલ ગાંધીને મુશ્કેલીમાં મૂકી દીધા છે.
જેઓ કર્ણાટકની રાજનીતિને સમજે છે તેઓ ભારપૂર્વક કહે છે કે ડીકે શિવકુમારના મુખ્ય પ્રધાન પદ માટેના દાવાને લાયક પણ છે. તેમણે છેલ્લા ત્રણ વર્ષમાં પાર્ટીને ફ્લોર પરથી ઉભી કરી છે. એવું પણ કહેવામાં આવી રહ્યું છે કે કોંગ્રેસ આજે કર્ણાટકમાં સરકાર બનાવવાની સ્થિતિમાં પહોંચી ગઈ છે, તો તેનું એકમાત્ર કારણ ડીકે શિવકુમાર દ્વારા પાછલા વર્ષોમાં કરવામાં આવેલી મહેનત છે.
જો ડીકે શિવકુમારને મુખ્ય પ્રધાનપદનો ઇનકાર કરવામાં આવે છે, તો તેના નકારાત્મક પરિણામો પણ જોવા મળી શકે છે.
ડીકે શિવકુમાર અને સિદ્ધારમૈયા અંગે નિર્ણય આવવાનો બાકી હોવાથી તમામની નજર હાઈકમાન્ડ પર છે. જનતા હોય કે રાજકીય નિષ્ણાતો દરેક એ જાણવા ઉત્સુક છે કે શું પાર્ટી ડીકે શિવકુમારને તેમની વફાદારી માટે પુરસ્કાર આપશે? કે પછી સિદ્ધારમૈયા મુખ્યમંત્રી બનવામાં સફળ થશે?
DK શિવકુમારને મુખ્ય પ્રધાનપદની રેસમાં કેમ લાયક ?
ધન સંપન્ન પરિવારમાંથી આવે છે. સાથે ડીકે શિવકુમાર વોક્કાલિગા સમુદાયમાંથી આવતા મોટા નેતા છે. જેમની ધારાસભ્યોમાં મજબૂત પકડ છે. ડીકે શિવકુમાર વિશે એક રસપ્રદ તથ્ય એ છે કે તેઓ ટ્રબલ શૂટર તરીકે જાણીતા છે. કેપીસીસીની અધ્યક્ષતામાં, તેમણે તેમની પાર્ટીને પ્રથમ વખત સૌથી વધુ બેઠકો જીતી છે.
હાઇકમાન્ડમાં પણ ડીકે શિવકુમારને મોટા ચહેરા તરીકે જોઈ રહી હોવાથી પાર્ટી મુખ્યમંત્રીનો બોજ તેમના ખભા પર નાંખે તેવી શક્યતા છે.
તમામ અટકળો વચ્ચે, ડીકે શિવકુમારે મીડિયાને સંબોધન કર્યું છે અને પોતાને વન-મેન આર્મી ગણાવતા, ભારપૂર્વક જણાવ્યું છે કે મુખ્ય પ્રધાન પદ પર તેમનો દાવો એટલા માટે છે કારણ કે તેમના એકલાના કારણે કોંગ્રેસ કર્ણાટકમાં 135 બેઠકો જીતવામાં સફળ રહી છે. તેમનો આ દાવો ડીકે શિવકુમારને ધારાસભ્યોમાં લોકપ્રિય બનાવે છે.
સાથે સિદ્ધારમૈયા કર્ણાટકમાં જનતામાં ખૂબ જ લોકપ્રિય છે. સિદ્ધારમૈયાને જનતા કેમ પસંદ કરે છે? આનું કારણ ઓછું રસપ્રદ નથી, વાસ્તવમાં સિદ્ધારમૈયા અહિંદાના પ્રચારક છે. અહિંદામાં લઘુમતી, પછાત વર્ગ અને એસસી અને એસટીનો સમાવેશ થાય છે અને આ વખતે આ વર્ગનો સંપૂર્ણ મત કોંગ્રેસને ગયો છે. વાત આગળ વધે તે પહેલા કર્ણાટકના માહોલમાં આપણે એ પણ સમજવું પડશે કે ભલે ડીકે શિવકુમારના સમર્પિત અનુયાયીઓ હોય. પરંતુ જ્યારે રાજ્ય તરીકે કર્ણાટકની વાત આવે છે, ત્યારે સિદ્ધારમૈયાના અનુયાયીઓ રાજ્યભરમાં છે જેઓ સિદ્ધારમૈયાને મુખ્યમંત્રી તરીકે જોવા માંગે છે.
ડીકે શિવકુમાર જ્યાં માત્ર રામનગરા, કનકપુરા જૂના મૈસૂર પ્રદેશ સુધી મર્યાદિત છે. તો બીજી તરફ જ્યારે આપણે સિદ્ધારમૈયાની પકડ દરિયાકાંઠાના કર્ણાટક તેમજ કર્ણાટકના એ પ્રદેશ જે મહારાષ્ટ્ર અને આંધ્ર પ્રદેશ સાથે જોડે છે ત્યાં પણ તેમની પકડ મજબૂત છે.
પાર્ટી સિદ્ધારમૈયાના પક્ષમાં કેમ નિર્ણય લઈ શકે છે
એમાં કોઈ શંકા નથી કે કર્ણાટકમાં મોદી મેજિક નિષ્ફળ ગયો છે. આવી સ્થિતિમાં આજે નહીં તો કાલે ભાજપ આ અપમાનનો બદલો લઈ શકે છે. અને ડીકે શિવકુમાર પહેલેથી જ મની લોન્ડરિંગ કેસમાં EDના રડાર હેઠળ હોવાથી, તેમની કોઈપણ ક્ષણે ધરપકડ થઈ શકે છે. તેથી, જો હાઈકમાન્ડ ડીકે શિવકુમારની જગ્યાએ સિદ્ધારમૈયાને પસંદ કરે છે, તો તે પોતાને મોટી મુશ્કેલીમાંથી બચાવી શકે છે.
