@વિમલભાઈ પટેલ, ગાંભોઇ
સાબરકાંઠા જિલ્લાના પ્રાંતિજના નાનીભાગોળ વિસ્તારમાં રાત્રી દરમ્યાન નજીવી બાબતે બે જુથ વચ્ચે સામસામે પથ્થરમારો થયો હતો.પથ્થરમારામાં બે મહિલાઓ સહિત સાત લોકોને ઈજાઓ પોંહચી હતી
સાબરકાંઠાના પ્રાંતિજ નાની ભાગોળ વિસ્તારમા કડીયા સથવારા સમાજની વિશ્વકર્મા વાડી પાસે રાત્રીના સમયે લગ્નપ્રસંગનો જમણવાર ચાલુ હતો તે દરમ્યાન કેટલાક ઇસમો ઝઘડો કરતા હોય અને ગાળો બોલતા હતા, જેને લઈને વાડી બહાર લગ્નપ્રસંગમાં આવેલી મહિલા દ્વારા ગાળ બોલવાની ના પાડતા ઝગડો શરુ
.ગાળો બોલતા યુવાનો દ્વારા મહિલા ઉપર પથ્થર ફેંક્યા હતા અને ત્યારબાદ મામલો બિચક્યો હતો અને સામસામે પથ્થરમારો શરૂ થયો હતો. બનાવની જાણ થતાની સાથે જ પોલીસ કાફલો ઘટના સ્થળે દોડી આવ્યો હતો અને પરિસ્થિતી પર કાબુ મેળવ્યો હતો આ બનાવમાં કુલ 7 લોકોને ઇજા પહોંચતા સારવાર અર્થે ખસેડવામાં આવ્યા છે.
