લોકસભા ચૂંટણી 2024ને લઈને દેશમાં રાજકીય ગતિવિધિઓ તેજ થઈ ગઈ છે. આજે રાહુલ ગાંધીએ મધ્યપ્રદેશના મંડલા અને શહડોલમાં ચૂંટણી સભાઓ કરી હતી. વડાપ્રધાન મોદીએ છત્તીસગઢના બસ્તર અને મહારાષ્ટ્રના ચંદ્રપુરમાં જાહેર સભાઓ કરી હતી.
કોંગ્રેસ નેતા રાહુલ ગાંધી મધ્યપ્રદેશના પ્રવાસે છે. આ દરમિયાન સોમવારે સાંજે તેમના હેલિકોપ્ટરમાં ટેકનિકલ ખામી સર્જાઈ હતી. જેના કારણે તેમનુ હેલીકૉપટર શહડોલથી ઉડી શક્યું ન હતું.
મળતી માહિતી મુજબ, ઇંધણની અછતને કારણે તેમનું હેલિકોપ્ટર ટેકઓફ કરી શક્યું નથી, જેના કારણે રાહુલ ગાંધી પણ આજે રાત્રે શહડોલમાં રોકાશે. હાલમાં તેમને શાહડોલમાં સૂર્યા ઈન્ટરનેશનલ હોટલમાં રહેવાની વ્યવસ્થા કરવામાં આવી છે. રાહુલ ગાંધીની સુરક્ષાને ધ્યાનમાં રાખીને મોટી સંખ્યામાં પોલીસ ફોર્સ તૈનાત કરવામાં આવી છે.
મામલાની માહિતી આપતા પ્રદેશ કોંગ્રેસ અધ્યક્ષ જીતુ પટવારીએ કહ્યું – હવામાન ખરાબ છે. શાહડોલમાં પાણી અને કરા પડ્યા છે જેના કારણે ઈંધણ આવવામાં વિલંબ થશે. તેમણે કહ્યું કે ખરાબ હવામાનને કારણે રાહુલ ગાંધીનું હેલિકોપ્ટર ટેક ઓફ કરી શકશે નહીં. રાહુલ ગાંધી આજે રાત્રે શાહડોલમાં રોકાશે. હવે અમે મંગળવારે સવારે નીકળીશું.
