Turkey Explosion : તુર્કીની રાજધાની અંકારામાં શનિવારે (10 જૂન) એક ગનપાઉડર ફેક્ટરીમાં ભીષણ વિસ્ફોટ થયો હતો, જેના કારણે પાંચ કર્મચારીઓના મોત થયા હતા. ફેક્ટરીમાં વિસ્ફોટ એટલો જોરદાર હતો કે બિલ્ડિંગનો એક ભાગ ધરાશાયી થઈ ગયો.
એપી ન્યૂઝના અહેવાલ મુજબ, રાજધાની અંકારાની બહાર આવેલા રાજ્યની માલિકીની મિકેનિકલ અને કેમિકલ ઇન્ડસ્ટ્રી કોર્પોરેશનના કમ્પાઉન્ડમાં સવારે 8:45 વાગ્યે વિસ્ફોટ થયો હતો. રિપોર્ટ અનુસાર, પત્રકારોને માહિતી આપતા અંકારાના ગવર્નર વાસિપ સાહિને કહ્યું કે આ વિસ્ફોટમાં પાંચ કર્મચારીઓના મોત થયા છે. આ સિવાય ફેક્ટરીની અંદર કોઈ કામદાર ફસાયેલો નથી.
વિસ્ફોટના કારણની તપાસ
તેમણે આશંકા વ્યક્ત કરી હતી કે ડાયનામાઈટના ઉત્પાદન દરમિયાન રાસાયણિક પ્રક્રિયાને કારણે વિસ્ફોટ થયો હતો. તેમણે કહ્યું કે ઘટના અંગે તપાસ કરવામાં આવી રહી છે, ત્યારબાદ જ વિસ્ફોટનું સાચું કારણ કહી શકાશે.
સાહિને વધુમાં જણાવ્યું કે ફેક્ટરીમાં વિસ્ફોટક અને રોકેટ બને છે. સ્થાનિક મીડિયાના અહેવાલો અનુસાર વિસ્ફોટ એટલો જોરદાર હતો કે ફેક્ટરીની આસપાસની દુકાનો અને ઘરોની બારીઓના કાચ તૂટી ગયા હતા. બ્લાસ્ટ બાદ ફેક્ટરીમાં કામ કરતા મજૂરોના સંબંધીઓ એકઠા થઈ ગયા હતા.
2014ની ઘટનામાં 300ના મોત થયા હતા
ઉલ્લેખનીય છે કે, ગયા વર્ષે ડિસેમ્બરમાં તુર્કીમાં કોલસાની ખાણમાં બ્લાસ્ટ થયો હતો, જેમાં 40 લોકોના મોત થયા હતા. આ ઘટના કાળા સમુદ્રના કિનારે આવેલા બાર્ટિનના અમાસરા શહેરમાં સરકારી ટીટીકે અમાસરા મ્યુસી મુદુર્લુગુ ખાણમાં બની હતી. અગાઉ વર્ષ 2014માં સોમા શહેરમાં કોલસાની ખાણમાં આગ લાગવાને કારણે 300થી વધુ લોકોના મોત થયા હતા.
સ્ત્રીઓની આટલી ક્રૂરતાપૂર્વક હત્યા- આ અમાનવીયપણું ક્યાંથી આવે છે!
બાળકો ક્યાં સુધી બોરવેલમાં(Borewell) પડીને મરતા રહેશે? જવાબદારી કોની ?
મોરબી/ રવાપર ગામમાં ૧૨ માળની ઇમારતોની બાંધકામની મંજૂરી અંતે રદ, ડીમોલ્શન થશે?
ARVALLI: ત્યજી દેવાયેલી હાલતમાં મળી આવેલી બાળકીનું સારવાર બાદ મોત, ફરાર માતા થઇ પોલીસ મથકે હાજર
ZALOD / પ્રેમિકા સાથે ઘરસંસાર શરુ કરવા પત્નીને અકસ્માતના બહાને ઉતારી મોતને ઘાટ
