આજકાલ યુવાનોમાં ઇયરફોન કે હેડફોન ચલણ વધારે વધવા લાગ્યું છે. વૉકિંગ પર નિકળ્યા હોય કે પછી બસમાં, મેટ્રો ટ્રેનમાં મુસાફરી કરી રહ્યા હોય ત્યારે લોકોના કાનમાં ઇયરફોન ચોક્કસથી લગાવેલા હોય છે. પરંતૂ આ વચ્ચે એક ચિંતા એ છે કે,લોકો કલાકો સુધી પોતાના કાનમાં હેડફોન લગાવીને રાખતા હોય છે. પરંતુ શું તમે જાણો છો કે, આ હેડફોન કે ઇયરફોન બંનેમાંથી કાન માટે સારુ શું છે?
ઈયરફોન કે હેડફોન બંનેનો લાંબા સમય સુધી ઉપયોગ કરવો કાન માટે અત્યંત જોખમી છે. કલાકો સુધી ઈયરફોન કે હેડફોન ઊંચા અવાજે પહેરવાથી પણ લોકોની સાંભળવાની ક્ષમતા ઘટી શકે છે.
શું હેડફોન કે ઈયરફોન ખરેખર કાન પર જુદી જુદી અસર કરે છે?
ઇએનટી નિષ્ણાત ડો. રચના મહેતાએ ઇયરફોન અને હેડફોન અંગેનો વીડિયો તેમના ઇન્સ્ટાગ્રામ એકાઉન્ટ પર શેર કર્યો છે. આ વીડિયોમાં તે કહે છેકે, જ્યારે કાનની અંદર પહેરવામાં આવેલા ઇયરફોન અને કાનમાં પહેરવામાં આવતા હેડફોન પસંદ કરવાની વાત આવે છે, તો હેડફોન વધુ સારો વિકલ્પ કહી શકાય છે. ઇયરફોન કાનને સંપૂર્ણપણે બંધ કરી દે છે ઇયરફોન તમારા કાનના ઇયર કેનાલને સીધી અસર કરે છે. જ્યારે ઈયરફોનને ઈયર કેનાલની અંદર નાખવામાં આવે છે, ત્યારે તે ઈયરવેક્સને કાનની અંદર ઊંડે સુધી ધકેલી શકે છે, જેના કારણે કાનમાં અવરોધ ઊભો થાય છે. ઈયરફોન આપણા ઈયર ડ્રમ પર સીધી અસર કરે છે. અવાજ ત્યાં સુધી પહોંચતા જ કાનને ઘણુ નુકશાન થાય છે. તે ભેજને ફસાવે છે, આનાથી કાનના ચેપનું જોખમ પણ વધી જાય છે.
નિષ્ણાંત મુજબ, ઇયરફોનનો વારંવાર અને લાંબા સમય સુધી ઉપયોગ નોઈન ઇન્ડયૂસ્ડ હિયરિંગ લોસ (NIHL)નું જોખમ વધારે છે.
જો તમે ક્યારેક-ક્યારેક થોડા સમય માટે ઈયરફોનનો ઉપયોગ કરો છો તો ઠીક છે, પરંતુ જો તમે મીટિંગ, લેક્ચર કે મ્યુઝિક માટે ઈયરફોનનો લાંબા સમય સુધી ઉપયોગ કરો છો તો હેડફોન ઈન્સ્ટોલ કરવું વધુ સારું છે.
યુવાનોએ ઇયરફોન અને હેડફોનનો ઉપયોગ ઓછામાં ઓછો કરવો જોઇએ. અથવા તો વધુમાં વધુ 60 ટકાથી ઓછા વોલ્યુમે ઉપયોગ કરવો જોઇએ.
નિષ્ણાતોના મતે ઈયરફોન કે હેડફોન બંનેનો લાંબા સમય સુધી હાઈ વોલ્યૂમમાં ઉપયોગ કરવાથી કાનને નુકસાન થઈ શકે છે. આવી સ્થિતિમાં સાવધાની ખૂબ જ જરૂરી છે.
1nonlynewsના whatsapp ગ્રુપમાં જોડાવા માટે નીચેની લિંક પર ક્લિક કરો
https://chat.whatsapp.com/HyFwqFPR3EP0gbrKvdU4C8
